Hmeichhe tawhsual tawkte tlan luhna tur din tum

General Admi­nis­tration Department (GAD) aṭanga thudawn danin, Mizoram sorkar chuan hmeichhe tleirawl tawhsual tâwkte tlân luhna tur leh hum himna tur, One Stop Crisis Centre din a tum.

GAD hotute chuan, sor­kar laipui aṭanga thu an hmuh angin hmeichhia, kum 18 hnuai lam, tawhsual tâwkte hum himna leh ṭanpuina turin One Stop Crisis Centre din tum a nih thu a sawi a; mahse, a dinna hmun tur an la ti fel lo a, Aizawl Civil Hospital leh police station aṭanga hmun hla lo an zawng mek tih a sawi a ni.

GAD hotute sawi danin, One Stop Crisis Centre hi doctor-te enkawlna tur a nih avang­in, Aizawl Civil Hospital huang chhungah hmun a awm leh awm loh an enfiah a, Health department hotute nen an indawr ṭan mek.

One Stop Crisis Cen­tre-ah hian doctor-te bakah, police leh mithiam dangte an awm dawn a; hmeichhia, pawngsual leh chhaih nawmnahte hum himna tura ruahman niin, sorkar laipui thupek angin darkar 24 chhung hawn tura ruahman a ni.