ZNP-in VC/LC member-te lawmpui
ZNP chuan nimin khan an party office-ah ZNP ticket-a village council leh local council member atana thlan tlinte lawmpuina hun an hmang a, president Lalduhoma'n lawmpuina thuchei a hlan.
ZNP inkhawma thu sawitu, ZNP vice president K Liantlinga chuan, mipui thlantlin nih chu a ropui bakah a zahawm hle tih a sawi a, "Mipuiin min thlan ang ngeia hna kan thawh a pawimawh. Rorelna hi Pathian kuta awm a ni a, mipui aiawh thlan tlinte'n dik taka rorel hi an tih ngei ngei tur a ni," a ti.
April 30, 2015-a Mizoram district paruka VC leh LC inthlanah ZNP hian VC member 100 leh LC member 20 an nei a, inthlan hmasa aiin member 44-in an nei tam zawk a ni.