Eiruknaa fihlîm thlanna tur hawng

MZP-in Mizo politician leh officer zinga eirukna leh hlemhletnaa fihlim ber thlanna an buatsaih chu nimin khan MZP Pisapui conference hall-ah MJA pre­sident Vanlalrema Vantawl-in a hawng.

Vanlalrema Vantawl chuan, rinawm taka hna­thawkte'n fak an hlawh ngai lo nia sawiin, "Eirute hrem mumal an ni ngai lo a, hrehawm an ti hmél pawh hmuh tur a awm ngai lo. Hei hian mi dang rilruah awhna a siam ṭhin a ni," a ti. a; mi fel leh dikte chawimawi lamah intlansiak ṭha a tih thu sawiin, chu chuan khawtlang nun a siamṭhat theih a beisei thu a sawi.

MZP president Lalhma­chhuana chuan, "Kan thil buatsaih tur hi a phûrawm tluk zetin a huphurhawm hle. Politician zingah phei chuan eng party-a mi emaw thlan chhuah an ni dawn a, party dangin an sawisel ngei ang," a ti a; mi dik leh rinawm, ṭhalaite tana entawn tur thlan chhuah theih beiseia buatsaih an nih thu a sawi.