Rel kawng siam mek sawi dun

Northeast Frontier Railway (NFR) general manager RS Virdi chuan nimin khan chief secretary Lalmalsawma chu a pisa-ah a kâwm a, Bairabi leh Sairang inkara rel kawng siam hna chak zawka kalpui dan tur an sawi dun.

Chief Secretary chuan, rel kawng siam hna chu chak taka kalpui a nih theihna atan Mizoram sorkarin theihtawp a chhuah thu NFR general manager a hrilh. Railways hotute ruahman ang chuan, Bairabi-Sairang rel kawng siam hna hi March 2018-ah zawh hman tura beisei a ni.

Inkawmnaah hian Mizoram chhim tàwp, Hmawngbuchhuah thlenga rel kawng siam tura survey hna an thawh mek a nih thu pawh sawi lan a ni.