NH-54 kawng tlahniamah lirthei tangkhang

National Highway-54 kawng­pui chu Hunthar Vengah a tla­hniam. Hei vang hian lirthei tlânte'n harsatna tâwkin, nimin thleng khan lirthei lian chi bungraw phur eng emaw zat an tangkhang.

Thu dawn danin, Hunthar Venga lei tla­hniam ṭhin hi siamṭhat a ni a, hun eng emaw chen a chet loh hnuah, kumin June thla tìr lam khan a tlahniam leh ṭan. Tunah chuan kawngpui pangngai chin aṭangin ft. 7 velin a tlahniam tawh a ni. Kawng blacktop chu a khawk nasa a, fur ruahtui a tlak deuh reng tawh avangin kawngpui chu a nâl hle.

Lei tlahniam vangin kawngpui a chhuk-chho a, a nâl bawk avangin lirthei lian chi rit phurte an tlân chhuak mai thei ṭhin lo. Silchar lam aṭanga bungraw phur motor lian 50 chuang an tangkhang mek a ni. Lei tlakhniamna hmunah hian traffic police-te an duty ṭhin a, lirtheite chu a inchhâwk­in an tlantir ṭhin a ni.