Digital India Week hman a ni dawn

Information Communi­cation Technology (ICT) secretary Lalhmachhuana hoin nimin khan ICT directorate-a e-Governance Hall-ah Digital India Week hman dan tur sawiho a ni.

C Lalhmachhuana chuan, Digital India Week chu sorkar laipuiin a ngaih pawimawh berte zing a mi a ni tih sawiin, "Digital India-in a ken tel tur tam tak zingah information technology hmanga mipui mimir hnathawhna thlunzawm a, awlsamna leh dikna thlen chunga ram hmasawntirte a tel. Chu chuan a hrin tur chu sorkar ṭha leh langtlang, khawtlang ṭha, ram leh mipui kawng tinrenga hmasawntir a, zirna thlenga mipui tana rahbi thar chhawpsakte a tel a ni," a ti.

Digital India Week hi July 1, 2015-ah prime minister Narendra Modi-a'n Delhi-ah a hawng dawn a, hemi rual hian Aizawlah pawh programme hman tum a ni.