Lungleiah Yoga Day hman a ni

Department of AYUSH huaihawtin nimin khan Lunglei Civil Hospital OPD kawtah ‘Yoga Day’ hman a ni.

Inkhawm kaihruaitu medical superintendent Dr. Lalsanga chuan Yoga chu taksa leh rilru sawizawina atana a ṭhat thu sawiin, "Khawvel hmun tinah Yoga-in zuitu ngah tawh avangin hnam leh hnam inkarah pawh remna leh muanna thlentu a ni thei a ni," a ti.

Medical officer Dr. H Malsawmtluangi chuan Yoga hman dan a sawifiah a, thisen sang, zunthlum, hnung na leh natna dang a tidam thei niin a tarlang.