MADC-ah V/C bye-election nei dawn

State Election Commission (SEC) chuan nimin khan Mara Autonomous District Council (MADC) hnuaia village council bye-election neih hun atan July 20, 2015 ruat a nih thu a puang. Bye-election hi V/C ṭhiah, member bâng leh member ṭanglai thite an awm avang­in neih a ngai a ni.

V/C bye-election neihna tur khuate chu - Chhaollo-II, Siata-II, Maisa leh Ahmypi te a ni. Chhaollo-II ah hian general seat khat, Siata-II ah general seat pali leh reserve seat pakhat, Maisa-ah general seat pathum leh reserve seat pakhat, Ahmypi-ah general seat pakhat thlan tur a ni.

V/C inthlan chuh tumte tan June 29, 2015 thleng hming pek luh theih niin, July 1, 2015-ah nomination endik a ni ang a, July 3 thleng inhnuhdawhna hun hawn a ni ang.

MADC hnuaia V/C pali-ah hian January 1, 2015 qualifying date-a hmangin, June 2-6, 2015 chhungin electoral roll ennawn a ni.