Chief Secretary hoin thingtlang mite hmasawnna tur sawiho

Chief secretary Lal­malsawma hoin nimin khan CS conference hall-ah sorkar official-te'n Saansad Adarsh Gram Yojana (SAGY) chung­chang sawiho. SAGY hi thingtlang mite hmasawnna tur leh model village thlannaa programme a ni.

Chief Secretary chuan, SAGY chu hmasawnna rahbi a nih rualin, changkannain a ken tel hriselna te, zirnate leh thiamna chi hrang hrang khawtlanga inzirtirnate a ken tel thu a sawi a; department hotute chu SAGY hmalakna dah pawimawh zel turin a ngen.

Meeting-ah hian Serchhip DC Juhi Mukherjee-i'n sorkar department hrang hrang hmalakna tura ruahmanna an siamte a lem nen a sawifiah a ni.

SAGY hnuaiah hian MP leh MLA-te'n an bial chhunga khaw pakhat ṭheuh model village atan an puang a, chu'ng khuate chu a bika enkawl an ni ang.