Khawpui fai ber - Saitual & Phullen

Urban Development & Poverty Alleviation department hnuaia Mizorama khawpui fai thlanna, Mizoram Cleanliness Competition 2024-ah Saitual leh Phullen khuate chu khawpui fai berah thlan an ni.

Mizoram Cleanliness Competition 2024-ah hian nikum tawp lam khan endiktute'n Mizorama district khawpuite leh urban town dang 17-te an endik a; nimina Lammuala Republic Day lawmnaah result puan niin, Governor Gen. VK Singh-a'n lawmman a hlan.

Khawpui fai inelnaah hian district khawpui zingah Saitual chu pakhatna a ni a, Siaha leh Serchhip te chu pahnihna leh pathumna an ni. Urban town zingah pakhatna chu Phullen a ni a, Tlabung pahnihna niin, Biate pathumna a ni.