Hmun hrang hrangah heroin man

Excise & Narcotics department (END) leh Assam Rifles ṭang dun chuan January 24, 2025 khan Mizoram hmun hrang hrangah heroin (no. 4) eng emaw zat an man.

END leh AR-te hian January 24, Zirtawpni zan khan Gilbert Lalnunhlima (27), Bairabi leh Lalawmpuia (29), Zemabawk nia inchhál hnen aṭangin heroin kg. 5.73 an man a, heroin phurhna atana an hman truck MZ-01 F-9135 an hrêng nghal.

January 24 zan vêk khan Rorelkima (27), Vanhne nia inchhál hnen aṭangin heroin gram 23.600 an man a; heroin phurhna atana hman Alto K-10 car, registration number la awm lo an hrensak. Sihphir Neihbawih daiah Lalhmingsanga (27), Lungdai nia inchhál hnen aṭangin heroin gram 36 an man bawk.

Assam Rifles-te chuan January 24 khan Zokhawthar kawngah Thangsuanchina (41), Myanmar lam mi hnen aṭangin heroin cheng nuai 15.40 vel hû an man a, Zokhawtharah Lalawmpuia (28), Zokhawthar hnen aṭangin heroin gram 108 an man bawk. Heroin leh a neitua puhte hi Zokhawthar Police Station-ah an hlan a ni.