Rangvamual kawnga lirthei kal dan tidanglam

Traffic SP C Lalthanmawia chuan Rangvamual leimin leh Hunthar Venga lei tlahniam avangin NH-54 kawngpuia lirthei tlan dan tur ruahmanna thar a puang a, vawiin aṭanga hman nghal tur a ni. Thupek hian chhiatrupna thil - kângmei leh rîkrum thilte chu a huam lo ang.

Traffic Police ruahmanna

1. Aizawl aṭanga Sairang/Lengpui lam pan tur lirthei tê chi (LMV)-te chu Sakawrtuichhun–Lungverh road-ah kal tur.

2. Lirthei laihâwl (MMV)-te chu zing dar 10 aṭanga tlai dar 5 inkarah Sakawrtuichhun–Lungverh road-ah kal phal a ni lo.

3. Lirthei lian (HMV)-te Sa­kawrtuichhun–Lungverh road-ah kal phal a ni lo.

4. HMV leh MMV, Aizawla lut turte chu Ch. Chhunga Truck Terminal-ah Aizawla luh phal hun an nghak ang a, Aizawl lut lo turte erawh chu eng lai pawhin an kal phalsak a ni.

5. HMV leh MMV-te chu Ch. Chhunga Truck Terminal leh Bawngkawn inkarah din/park phal a ni lo.