ACABC scheme chungchang zirho
National Bank for Agriculture and Rural Development (NABARD) chuan nimin khan an conference hall-ah 'Agri-Clinics and Agri-Business Centres' (ACABC) Workshop 2019-20' an buatsaih a; ACABC scheme hnuaia loan leh training chungchang sawiho a ni.
NABARD manager H Lalhmachhuani chuan, ACABC scheme hnuaiah agriculture leh a kaihhnawih subject-a graduate-te tan loan dil theih a nih thu sawiin, "NABARD chuan 44% subsidy a pe dawn. Mizoram State Agricultural Management & Extension Training Institute (SAMETI)-ah a thlàwnin an training ang a, scheme hnuaia loan hi an dil thei ang," a ti.
H Lalhmachhuani chuan, loan chu mi pakhatin Rs. 20,00,000 thleng leh group angin (mi panga)-in cheng nuai 100 thleng an dil theia, loan hi vawi hnih a dil theih bawk. Loan puktute tan hian NABARD chuan 44% subsidy a pe dawn a ni. NABARD hotute sawi danin, Mizoramah agriculture leh a kaihhnawih subject hrang hrangah graduate 35 an awm tawh a, mahse, ACABC scheme hmanga loan la an la awm lo thung.