Mizoram Sorkar leh IGHC thawhdunna tur sawiho

Indo Global Health Consortium (IGHC) hotute chuan nimin khan Health minister Lal Thanzara a pisaah an kâwm a; Mizoram Institute of Medical Education & Research (MIMER) din tura thawhhona awm thei leh hriselna kawnga Mizoramin hma a sawn theih nana kawng hrang hranga inpuiha thawhho theih dan turte an sawiho.

Health Minister chuan, Mizorama medi-cal college din tur chu Mizoram tan rotling
ṭha leh hlu tak a nih tur thu sawiin, "Hmasawnna atana thil pawimawh tak a nih dawn bakah, hriselna lama Mizoramin rahbi thar a kaina turte a nih dawn avangin chak taka hmalak mek a ni," a ti a; thawhpui ṭha leh rintlakte chu sorkar pawhin thawh-pui a duh a ni," a ti.

Hmun hlá leh kil-khâwra awmte pawhin hriselna lama inenkawlna ṭha an neih leh an hmuh chu sorkar ngaih pawi-mawh berte zinga mi a nih thu sawiin Lal Thanzara chuan, "Hemi atana IGHC-in kawng hrang hranga hma an lak theihna atan thawhhona duan tur pawh chak taka bawhzui ni se," a ti.

Cancer hmuhchhuah-na, enkawlna leh a chhui zui zelna kawnga IGHC-in sorkar an puih theihna an tarlan hrang hrangte chu a hlawhtlin theihna atan a ṭul angte bawhzui ni se, an ti.