Sorkar department harsatna sawiho

Siaha District Level Coordination Committee chu nimin khan Siaha additional DC N Chakhai hoin DC conference hall-ah an
ṭhukhawm a, sorkar depart-ment hrang hrangin harsatna an neihte an sawiho.

N Chakhai chuan meeting an neih chhan sawifiahin, "Department hrang hrangte'n kan hna-thawh chungchangah harsatna leh buaina kan neihte huamzau taka sawi chhuahna atan meeting hi ruahman a ni," a ti a; Siaha district tana ṭha tur leh hmasawnna tura rawtna nei an awm chuan sawi chhuah turin a sáwm.

Meeting-ah hian internet chhe lutuk vanga department hrang hrangin hna thawh harsa an tih thu sawi lan a ni a; DC lam
aṭanga tun aia internet ṭha zawk an neih theihna tura hma laksak tura ngen a ni.

Siaha district chhung hmun ṭhenkhat, kawngpui dung felhlel chung-changte pawh a sutkian dan tur sawiho a ni a; Siaha sistrict hmasawnna tur leh chak zawka hma a sawn theihna tur kawng hrang hrangte huamzau taka sawiho a ni bawk.