Hindi training khârna hun hmang

School Education department leh Central Institute of Hindi, Shillong Regional Centre ṭangkawp chuan, nimin khan SSA Aizawl district conference hall-ah ni 10 chhung Hindi Teacher/Pracharak Orientation Programme an hman tawh khârna hun an hmang a, School Education joint director ST Zaduna'n a hmanpui.

Inkhawmah hian ST Zaduna bakah, Central Hindi Institute, Shillong Centre-a regional director, Prof. VS Shukla ten thu an sawi a; VS Shukla sawi danin, Central Institute of Hindi, Agra-in Mizoram, Dimapur, Guwahati leh Shillong-ahte Centre eng emaw zat a nei a, hmar-chhak tan bik Shillong-ah centre a awm a ni.