Politician sáwm lo turin College-te hriattir an ni

Higher & Technical Education department chuan thupek chhuahin, zirtirtute chu an subject-ah politician-te thu sawia sâwm lo turin a hriattir.

August 19, 2016-a HTE department-in thupek a tihchhuahah chuan, zirtirtu ṭhenkhat, an subject kaihhnawiha politician-te thu sawia sawm ṭhin an awm tih hriat a nih thu a tarlang a; zirlaite hmakhaw ngaia thil tih anga ngaih theih a nih laiin, zirlaite kawng dik loa hruai thei leh harsatna siam thei a ni tih tarlan a ni.

Sorkar enkawl col-lege-te chu politician-te zirlaite hnena zirtirna pe tura politician-te sáwm lo turin hriattir an ni a; order hi Mizoram sorkar enkawl college principal zawng zawng pek an ni.

Hetih lai hian, college ṭhenkhata department ṭhenkhat chuan thu sawi turin politician-te an lo sawm tawh
ṭhin a, chung zingah chuan MNF president Zoramthanga leh ZNP president Lalduhoma te pawh an tel a ni.