Airport-ah dengue vei enfiahna siam

West Bengal leh Assam-a sikserh natna chi khat, dengue veite Mizorama an lo luh leh luh loh hriat theih nan Lengpui Airport-ah enfiahna siam a ni. Thu dawn danin, Assam-ah tun hnaiah dengue vei mi 458 hmuh chhuah an ni tawh.

Integrated Disease Surveillance Programme (IDSP) state nodal officer Dr Pachuau Lalmalsawma sawi danin, state páwn
aṭanga Lengpui Airport-a lo lutte zinga dengue vei nia rinte chu August 17, 2016 aṭangin Lengpui Airport-ah lo endik
ṭan a ni. Mizoram páwn
aṭanga Mizorama lo lut mi pakhatin dengue a vei tih hmuh chhuah a ni tawh.

Mizoram chhungah dengue vei nia rin mi 115-te thisen endik tawhah mi pakhatin dengue a vei tih hmuh chhuah a ni tawh bawk a, mahse, dengue vei chu tunah chuan a dam leh tawh.

Dengue darh zel tur vên a nih theih nan Aizawl Civil Hospital leh Lunglei Civil Hospital-te chu damlote enfiahna, Sentinel Surveillance Center atan siam a ni tawh a, doctor-te'n an
ṭhutchilh bakah, natna vei hriat chhuah theihna hmanruate dah a ni.

Hetih lai hian, Mizo-ram dep, Manipur-a Churachandpur district-ah thluaka khawsik lut natna, Japanese Ence-phalitis (JE) a lèn avangin Manipur hnaiha awmte chu inven dan tur zirtir an ni tawh a; mahse, doctor-te chuan Mizoram JE vei an la hmu lo thung.