Buhfai hralh rutute man an ni

Kolasib police-te chuan tun hnai khan 407 truck MZ-04 - 5448 aṭanga buhfai ru chhuak a, hralh-ru tua puhte an man a, buhfai eng emaw zat an hmu leh tawh.

Thudawn danin, Albert Lal-chhuan-awma, Khatla, Aizawl chuan Kolasib police-ah hian FIR theh-lutin a motor hmanga Bairabi FCI Godown aṭanga buhfai qtls. 230.72 an phurh chhuah aṭangin bag 36 a bo thu a tarlang.

Albert Lalchhuanawma tarlan danin, kawng lakah an motor a chhiat avangin Rengtekawn thlang, Dihmun tlang panna bulah motor hi an dah a, motor part ngaihtuahin Aizawl a pan a ni. A handyman Muanbiak-
sanga chu motor veng turin a dah a, Aizawl aṭanga an motor dahna hmun a thlen chuan Muanbiaksanga hi a lo awm tawh loa, buhfai bag 36 a bo tih a hre chhuak a ni.

He thil thleng hi police-te chuan chhui zuiin mi pali an man tawh bakah buhfai bag 23 an hmu let tawh. Buhfai hralh ruk leitu Rengtekawn a mite pawh thubuai siam sak an ni. He thil thleng chungchang hi chhui zui zel a ni.