Bairabi-ah ILP checkgate dah phût

ZNP ṭhalaite chuan thuchhuah siamin, Bairabi rel chawlhhmuna ILP Counter siam chu mumal taka hman a nih thuai theih nan a rang thei ang bera ILP checkgate siam turin Mizoram sorkar an phût.

ZNP ṭhalaite chuan, Mizoram sorkarin Bairabi rel chawlhhluna ILP Counter a siam chu August 9, 2016-ah an endik tih sawiin, "ILP Counter awm mah se, ILP nei lo check-na a la awm lo tih kan zuk hmu," an ti a; press conference an neih tawhah, ILP Counter a felfai loh thu an sawi lo a, ILP checkgate a awm loh thu leh ILP enfiah a nih loh thu an sawi niin an tarlang.

Mipui laka hmai phih faina atan chauha ILP Counter Mizoram sorkarin a siam nia sawiin ZNP ṭha-
lai chuan, "Hei hi tawk kan ti lo. Counter awm mah se, ILP check a ni chuang lo tih Mizoram sorkar kan hriattir nawn leh a ni," an ti.