Aizawlah Tiranga Run

Sorkar laipui ruahmanin India hnam puanzar chawi lâr leh a hlutna inhrilh tharna atan Inrinni zing khan Aizawlah 'Tiranga Run' huaihawt a ni a, infiammite'n hnam puanzar kengin, khawpui chhung an fan kualpui a; infiammi 100 chuang an tel.

Tiranga Run-ah hian Ministry of Youth Affairs & Sports hnuaia Sports Au-thority of India (SAI) hnuaia infiam-
mite an tel. Raj Bhavan kawt aṭangin an tlan tan a, hmun ruat bikahte dingin,
hnam puanzar chawimawina thu an sawi rual a, Mission Veng SAI Centre thleng an tlanpui a ni.

Tiranga Run buatsaih chhan chu, ram chhunga cheng mi tinin hnam puanzar an ngaihsan theihna tur te, ramin zalenna a neih mi tinin an ngaihhlut leh zual theihna tur te a ni.

Chaltlang North Branch YMA leh NYK-te ṭangkawp pawhin Independence Day vawi 70 pualin Inrinni chawhnu lam khan hnam puanzar chawi lârna hun, Tiranga Yatra an buatsaih a; Sports & Youth Services changtu parliamentary secretary Hmingdailova Khiangte-in hnam puanzar pawt pharhin thuchah a sawi.