Sorkar hnathawhte tlawh tum

MJA, Champhai district chuan Inrinni khan General Body Meeting an nei a, Champhai district-a sorkarin hmasawnna hna a thawh lian zualte a hmuna tlawh an rel.

Champhai MJA meeting hi an president C Lalhnunpuia'n a kaihruai a; sorkar hnathawh mek tlawh tura an tihte chu - Kelkang khaw mipui chawmna tura ni zung chakna hmanga tui pump-na siam mek te, Tlawva Hydel Project te, Rural Development department hnuaia Dulte leh a chhehvela Integrated Water Shed Development Programme hnuaia hnathawhte a ni.