New Siaha-ah ruihhlo do beihpui

New Siaha East-a V/C, MYA, YLA leh MTP-te ṭangkawp chuan tunlai hian an huam chhungah ruihhlo do beihpui an thlak.

New Siaha East Joint Committee chuan, an huam chhunga zu siamna factory panga an tichhe tawh a, zu thlawr lai leh thlawr turte chu an leihbua. Zu siamna hmanrua an man belpui pasarih leh plastic bûr 26-te chu MTP headquarters, YLA subheadquarters leh MYA headquarters hruaitute hriatpui-nain tihchhiat a ni.

Zu siamna hmanrua tihchhiatnaah hian MTP headquarters president T Chatlua chuan ruihhlo zuarte tan hmun a awm tawh lo tih sawiin, inthiar fihlim turin a hriattir a ni.