Samagra Shiksha orientation training buatsaih

Samagra Shiksha enkawltu officer-te tan nimin khan School Education directorate conference hall-ah Orientation Training buatsaih a ni a,  State Project office leh District Project office-a officer-te an tel a, School Education secretary Esther Lalruatkimi leh director K Lalrinzuali ten an hmanpui.

Esther Lalruatkimi chuan, Samagra Shiksha officer-te chu an hna thiam tur khawpa inzir turin a fuih a, "Sum lama rinawm a pawimawh. Mahni sum kan vawng uluk a, sorkar sum hi chu aia uluk zawka vawn tur a ni," a ti a; hnaa inpeknaah ṭhahnem­ngaihna a tel a ṭul thu leh, naupangte hmangaihna nen thawh a pawimawh thu a sawi. Orientation trai­ning-ah hian Samagra Shiksha kalphung leh inrêlbàwlna kalpui dan tur te, Project Approval Board minutes 2019-20 bawhzui dan tur te, sum enkawl dan leh teacher education kalpui dan turte an zirho a ni.