Kawnpui-Khamrang inkarah chhun lamah lirthei lian tlân phal a ni lo

Kolasib SP David H Lalthangliana chuan thupek chhuahin, National Highway kawngpui, Kawnpui leh Khamrang inkar thawm ṭhat hna thawh a chak zawk theih nan lirthei tlan dan tur siam a nih thu a tarlang a; chhun lamah lirthei lian tlan phal a ni lo.

Thupeka tarlan danin, lirthei tlân dan tura ruahman hi January 25, 2025 khan hman ṭan a ni a, thupek zâwm lote chu MV Act hmanga hrem theih an ni. Harsatna neite chuan Kawnpui Police Station OC phone number 9612177139-ah biak theih a ni.

LIRTHEI TLAN DAN TUR

• Zing dar 8 aṭanga tlai dar 5 inkarah MMV leh a aia liante tlân phal a ni lo.

• Tlai dar 5 aṭanga a tuk zing dar 8 inkarah MMV leh a aia liante tan tlân theih a ni.

• Thupek hian LMV leh a hnuai lamte bakah, khualzin phur lirtheite a huam lo.

• Thupek hian ṭul bik thila magistrate, police, security force/army, kâng ṭhelh pawl, ambulance leh Mizoram PWD kawng siamna bungraw phurte chet velna a huam lo.