Lo hâl hun hnuhnung atan March 15

State Level Sub-Committee on Fire Prevention, 2025 chu nimin khan Secretariat conference hall-ah an ṭhu a; kumina lo hâl hun hnuhnung atan March 15, 2025 an rawt.

Ṭhutkhawmah hian kum 2025-a lo hâl hun hnuhnung atan March 15, 2025 ni se, an ti a; Lengpui leh a chhehvela lo hâl turte tan tlai lam dar 3:30 hnu lamah chauh hâl ṭan turin an rêl bawk.

Kum 2023-24 chhunga kângmei vènnaa hmalaknate thlir let a ni a; Fire Prevention Week 2025 chu February 10-15, 2025 chhungin Mizoram pumah hman ni se, an ti a, thupui atan 'Ram tikâng lo tura ṭan kan lâk hian hma hun êng zawk kan insiam a ni' tih an thlang.

Kângmei vèn kawnga hma la ṭha khua leh district hnenah lawmman hlan an rêl a, kângmei veng ṭha pakhatnain Rs 50,000, pahnihnain Rs 30,000 leh pathumnain Rs 20,000 ṭheuh an dawng dawn a ni.

Ṭhutkhawmah hian Environment, Forest & Climate Change secretary H Lalengmawia, principal chief conservator of forests AK Biswal, conservator of forests Laltlanhlua Zathang leh hotu dangte an tel.