NH 54-a hnathawhte thlirlet
Nimin khan Serchhi bawrhsap Paul L Khuma hoin DC meeting hall-ah national highway (NH)-54 zauh leh cheiṭhat hna thawktu contractor-te leh official-ten an hnathawhte thlirletin, hmachhawp la awmte an sawiho nghal.
Serchhip Bawrhsap hian Serchhip district huam chhunga NH 54 zauh leh cheiṭhat hna hna package 1, 2 leh 3 a thawktu contractor zawng zawngte a kokhawm a ni.
Ṭhutkhawmnaah hian a hmaa an thurel an bawhzui dan te sawiho a ni a, hnathawh duhthusam lo laite sawilan niin, hengte hi a rang lama siamṭha turin DC chuan contractor a hriattir.
Hna la thawh zawh loh te leh kawng khuar leh tlabal, siamṭhat ngaite thlirhoin, thawh zawh hun tur mumal taka bituk a ni a; hun bi an siam sakah te hian thawk zo hman ngei tura beisei an nih thu Bawrhsap hian thawktute a hrilh bawk.