Sports Council-in Mizoram aiawha kal infiammite a lawmpui

Mizoram State Sports Council (MSSC) chuan nimin khan an pisaah tun hnaia Mizo infiammi, Mizo­ram páwna fehchhuakte lawmpuina hun an buatsaih a, MIFCO chairman PC Zoram Sangliana, MLA-in a hmanpui.

PC Zoram Sangliana chuan thu sawiin, "Kan infiammite hi kan duat tur a ni. Mahni veng leh khua mai ni lo, ram aiawha fehchhuak leh tihmingṭhatu an nih avangin mitthi lumen leh thlân laih kawngahte ngaihhnathiam an ngai. Ram aiawh pha lem lo, an tih ai ti tur Mizo nula leh tlangval an tam tâwk a, ṭha taka Mizoram ai an awh zel theih nan kan âwl ve an ngai a ni," a ti.

MSSC-in lawmpuina a hlante chu April 24-27, 2015 chhunga East Zone (Men & Women) Powerlifting & Bench Press Championship, Mani­­pur-a neiha medal 11 dawngtu Mizoram power­­lifting team te; May 23-26, 2015 chhung­a Nagarcoil, Ka­nya­ku­ma­­ri-a National Sepak­tak­raw Champion­ship for Boys & Girls neiha silver medal dawngtu Mizoram sepaktakraw team-te leh, Uttarakhand-a June 13-17, 2015 chhunga 39th National Arm Wrestling Championship-a medal 10 dawngtu Mizoram arm wrestling team-te an ni.