MPESSA-in inkhawmpui an hmang

Mizoram Planning, Economics & Statistical Ser­vice Association (MPESSA) chuan nimin khan Be­rawtlangah inkhawm­pui an hmang a, parlia­mentary secretary KS Thanga'n a hmanpui.

KS Thanga chuan, hmasawnna ṭha leh chak nei tur chuan hmathlir thui tak neia ruahmanna ṭha siam a pawimawh tih a sawi a, "Ruahmanna ṭha siam tur chuan innghahna tlak data leh statistic dik neih a pawimawh. Mihring nuai 10 chuang âwrh awmna Mizoramah hian ṭan kan lâk phawt chuan kan ram hi changkang taka siam thei tur khawp data ṭha kan neih theih a rinawm," a ti.

Parliamentary Secre­tary chuan, Planning department-in Mizo­rama project kal muang lutuk endiktu tur committee a din tih sawiin, "Sorkar laipui aṭanga sum hnuh chhuah tluk zeta pawimawh chu project kal lai vil ṭhat hi a ni," a ti a; chhuanlam ho tê tê vanga project tam tak kal muang leh zawh theih loh awm ṭhin chu ram leh mipui tan a pawi tih a sawi.