V/C inthlana thubuaite ngaihtuah ṭan
Election Tribunal chuan June 23, 2015 khan April 30, 2015-a village council inthlana Champhai district-a V/C pasariha inthlannaa thil dik tawk lo nia sawite a ngaihtuah ṭan.
Tribunal hian Champhai DRDA Conference-ah office hawngin, thubuaite chu a tahtawlin an ngaihtuah a, Thawhlehni khan Champhai Kanan Veng thubuai an ngaihtuah a, nimin khan Ruantlang V/C thubuai an ngaihtuah a ni.
Vawiin chawhmaah Champhai Vengthar V/C thubuai an ngaihtuah ang a, chawhnuah Hnahlan; Zirtawpniah Khawzawl Dinthar V/C leh Khuangphah V/C inthlan thubuai an ngaihtuah dawn a ni.
Thubuai ngaihtuahnaah hian lungawi lohna thehluttute leh inthlan laia duty-te koh an ni a, thu zawhfiah an ni.
Election Tribunal-ah hian chairman chu Land Revenue & Settlement director R Lalramnghaka a ni a, member secretary chu DRDA project director CC Lalchuangkima niin, Sinlung Hill Development Council secretary John LT Sanga chu member a ni.