CADC MDC lakah FIR thehlut

Chakma Automonous District Council-a mem­ber (MDC) pakhat leh VC president pathumin, Chawngte-a SBI hnathawk an tibuai nia sawiin an lakah FIR thehluh a ni.

Thu dawn danin, CADC hnathawkte'n thla li hlawh an la tawh lo a, tunlai hian an hlawh tur leh hnathawhna tur sum chu Chawngte SBI-ah dah a ni. Nimin zing dar 9:30 vel khan Agar-II bialtu MDC, Parimal Chakma leh a bial chhunga VCP pathumte chuan an hlawh leh MGNREGA sum lak chhuah an tum a; mahse, Chawngte SBI khawl ṭhenkhat a ṭhat loh avangin pawisa a khawih chêt theih loh a ni.

MDC leh VCP-te chuan harsatna chu hre­thiam loin, pawisa an pe chhuak lo a nih chuan SBI office chu tihchhiatah an vau a; chuvang chuan SBI hnathawkte chuan an lakah FIR an thehlut ta a ni.