IAF hnena Lengpui Airport hlan CYMA-in an remti lo

YMA Central Executive Committee (CEC) chu nimin khan Central YMA Committee Room-ah an ṭhukhawm a; Indian Air Force hnena Lengpui Airport hlan an remti loh thu an tarlang.

YMA CEC ṭhukhawm hian sorkarin Lengpui Airport mi dang hnena hlan a tum chungchang an ngaihtuah a; thuchhuah siamin, "Ni 9.8.2024-a NGO Coordination Committee-in IAF kuta Mizote ro hlu Lengpui Airport hlan a remtih loh thu a lo puan chhuah tawh chu kan dinna ngai niin, Lengpui Airport hi IAF kuta hlan hi kan remti ngai dawn lo a ni," an ti.

Central YMA chuan, "Hemi chungchangah hian Mizoram sorkar pawh Mizo ram leh hnam tana ṭha ber tur thlir chunga ngaihtuahna hmang nawn leh turin kan ngen tak zet a ni," an ti bawk.