KHAWTHLIR

KṬP-in thisen pe

KṬP, Kolasib Saidan Branch chuan nimin khan Kolasib District Hospital-ah thisen unit 15 an pe a, petute mipa pakua leh hmeichhia paruk an ni.

Chawlh puang

Mizoram sorkar chuan February 12, 2025-a village/local council inthlanpuiah vote nei zawng zawngin zalên taka vote an thlak theih nan Siaha leh Lawngtlai district tih loh district dang zawngah sorkar hnathawkte tan chawlh a puang.

LC-ah 5 inhnûkdâwk

February 12, 2025-a local council inthlan awm tura hming pe zingah mi panga an inhnûkdâwk. Hming pe lutte tan hian January 27, Thawhṭanni tlai dar 3 thleng khan inhnuhdawh hun hawn a ni a, hun tiam chhungin mi panga an inhnûkdâwk a ni. VC inthlan atan pawh January 27 tlai dar 3 thleng inhnuhdawhna hun hawn a ni a, final report vawiin chhun dar 12 hmaa thehluh kim tur a nih avangin inhnûkdâwk zat hriat theih a ni rih lo.

Governor-in kâwm

Governor Gen. Vijay Kumar Singh leh MNF president Zoramthanga te chu nimin khan Raj Bhavan-ah an inkâwm a, Mizoram tana pawimawh leh ṭul hrang hrang an sawi dun. Governor hian Assam Rifles 23 Sector commander Brig. Girish Upadhya leh Meteorological Centre, Aizawl director Sudheer Kumar Dwivedi te a kâwm bawk.

Heroin man

Champhai Police-te chuan nimin zing khan truck pakhat aṭangin heroin gram 429 leh a neitua puh Ali Hussain Laskar (28), Hailakandi district, Assam nia inchhál an man. Heroin hi truck khalhtu ṭhutna leh a bula ṭhutna siam danglam chhung aṭangin man a ni.

KTP ṭanpuina pe

ZPM president Lalliansawta chuan nimin khan Evangelical Church of Maraland (ECM) Krizypa Thyutlia Py (KTP) inkhawmpui vawi 63-na January 30, 2025 aṭanga Laty khuaa neih tur pandal sak mek a tlawh a, ZPM Gen. Hqs hmingin Rs 5,000 a pe. Lunglei West bialtu MLA T Lalhlimpuia'n Rs 5,000 a pe bawk.