FCI kudamah buhfai dah duh lo

Mizoram Truck Drivers Association (MTDA) chuan Food Corporation of India (FCI) kudam, Ramrikawna weighbridge a chhiat avangin kudamah hian buhfai hlan thlak theih a nih loh thu an tarlang.

MTDA hruaitute’n Vanglaini an hrilh danin, kudama weighbridge chu a chhiaa an hriat avangin June 24, 2015 aṭangin buhfai an hlang­thla (unload) duh lo. Legal Metrology-in nimin khan weighbridge an endik a, a dik lo ngei tih an finfiah. Hei vang hian niminah pawh buhfaite chu kudamah dah a ni lo.