Lei tlahniam endik tur chah tum

PWD chief engineer (Highway) J Rammawia chuan, Hunthar Venga lei tlahniam endik turin Central Road Research Institute (CRRI)-a mithiam chah chhuah an tum thu a sawi.

Vanglaini palai zawhna chhangin Rammawia chuan, Hunthar Venga lei tlahniamah lirthei an tàn lohna atan theihtawp an chhuah thu a sawi a, “Ruah a sûrin a nãl a, lirthei an tlân chhuak thei ṭhin lo a, khua a ṭhat chuan harsatna a awm vak lo. Lirthei tlân a buai lohna tura siam phawt kan tum. A tlakhniam tawh lohna turin CRRI mithiam chah chhuaha enfiahtir kan tum a ni,” a ti.

PWD CE sawi danin, helai hmun hi tun hnai khan Hunthar Veng lamah ft. 12 leh Sairang lamah ft. 5-in a tlahniam a ni.