Rohluna leh Oil India hotu inkâwm

Geology and Minieral Resources minister H Rohluna chuan Oil India Ltd-a Exploration & Development director Sudhakar Mahapatra chu New Delhi-ah hmuin, Mizorama tuialhthei zawn hna chak zawka thawk turin a ngen.

H Rohluna hian Ningani khan Sudhakar Mahapatra hi a kâwm a; chak leh zuala hna thawh a nih theihna atan drilling rig pakhat dah belh tura a ngen bakah, Keifang bula tuialhthei zawn hna thawh tur pawh ṭan thuai turin a ngen a ni.

Sorkar thuchhuah tarlan danin, Sudhakar Mahapatra chuan drilling rig dah belh a nih tur thu a sawi a, chak zawka hna thawh a nih theih dan en turin Mizorama kal a tum thu H Rohluna chu a hrilh.

Oil India hian Mau­buang rama oil leh gas an zawn mek chu metre 4,000 chuang an verh tawh a, tunah hian lei chhung lam an endik mek a ni. Lei verh thui zawng tura an ruahman chu metre 4,500 a ni.