LC tin hotute kawngpui dunga Lirthei riah chungchang hrilfiah

Aizawl Municipal Council (AMC) chuan nimin khan an pisaah local council chairman leh secretary-te kokhawmin, Aizawl khawpui kawngpui dunga zana lirthei riah chungchanga AMC hmachhawpte an hrilhfiah.

Inkhawmah hian LC chairman leh secretary 120 an tel a; AMC executive councillor (Parking) Rosiamngheta chuan, LC tinte chu an huam chhung kawngpui sirah zana lirthei riah phal lo turin a ngen a, "Zana kawngpui dunga motor park-in chhiatrupna thleng theiah leh mipui tan harsatna a siam fo avangin, motor-te chu a dahna tur dik tak, garage-ah dahtir vek a ṭul a ni," a ti.

Rosiamngheta chuan, vantlang kawngpuia mi dang tana hnawksaka lirthei dah a nih chuan, dan bawhchhiat man chawitir turin LC-te chu an huam chhung ṭheuhah thuneihna pek an nih thu a sawi a; an veng ṭheuha maxicab birû, stand aṭanga chhuak lote chu stand pantir zel turin a chah bawk.