School Education kal dan zirho a ni

Nimin khan School Education directorate conference hall-ah 'State Level Workshop on Third All India Survey of Educational Administration for Mizoram State' ṭan a ni a, School Education director K Lalthawmmawia'n a hmanpui. Training hi vawiinah chhunzawm a ni ang.

K Lalthawmmawia chuan, "Department ṭhan chhoh dan leh hmasawnna te, document felfai taka vawng a, zirlaite leh mamawhtute'n an hman ṭangkai theih turin mahni hnate hre chiang taka thawh thiam a pawimawh. Sorkar hnathawkte hian kan rilru put hmang kan thlak a ṭul a, keimahni tana thawk ni loin, ram leh mipuite tana thawk kan ni tih rilru pu chunga thawh ṭheuh i tum ang u," a ti.

Workshop-ah hian School Education department-a officer pension tawh te, zirtirtu pawl hrang hrang aiawh te, SCERT, MBSE leh DIET-a mi thiam thlan chhuah te, Aizawl, Champhai leh Lawngtlai-a School Education officer-te leh heng district pathuma sikul thlan chhuaha zirtirtute an tel a ni.