Inthlan lungawilote thu thlen ngaihtuah

Mamit district tana State Election Tribunal chuan nimin khan Mamit district-a April 30, 2015-a village council inthlana lungawi lohna thu thlente an ngaihtuah ṭan.

Mamit district tana atana State Election Tribunal-ah hian chairman chu District Council Affairs additional secretary K Lalmuana a ni a, member-te chu - Mamit DRDA project director K Lalhmingliana leh West Phaileng BDO Lalvenhima te an ni.

State Election Tribunal hian nimin khan Mamit DRDA conference hall-ah Mamit district-a V/C inthlana lungawi lohna thu thlente an ngaihtuah a; lungawi lohna thu thehluttute leh election official, returning officer leh polling officer-te koh an ni. Mamit Hmarveng, Phaizau, Khawhnai, Damparengpui leh Silsury West aṭangtein complaint a lut a ni.