Chhiatna laka inven dan tur zirho

Nimin khan Aizawla IPR Conference Hall-ah khuarel chhiatna a thlen thulha inven dan tur leh hmalak dan tur zirhona neih a ni a, Disaster Management & Rehabilitation minister C Ngunlianchunga'n a hawng.

C Ngunlianchunga chuan, lirnghing leh thlipui lakah dinhmun derthâwng taka ding thei vek kan nih thu sawiin, "Inven lâwkna turah hmalakna tur ruahman a ṭul a, kan in leh lote hi a nih tur angin a ding vek tawh. Chhanchhuahna lam leh ṭanpuina lamah ruahmanna kan siam a, inpuahchahna kan lo siam lâwk a ngai a ni," a ti.

DMR Minister chuan, DMR department chauh chu chhanchhuahna leh ṭanpuina lama hma la tur department an ni lo tih sawiin, training-a telte chu chhanchhuahna leh chhawmdawlna kawnga thawhpuiah a sáwm.

'Training of incident response system team for preparation of mock drill' ah hian chawhnu lamah Administrative Training Institute-a head faculty Dr Lalrokima Chenkual leh DMR-a district organiser-te'n chhiatna thlena chhan­chhuah hna thawh dan leh chumi atana inbuatsaih lâwk dante an zirtir a ni.