Lirnghîng tuarte ṭanpuina pe turin MP Vena'n sorkar laipui a ngen

Nimina Parliament monsoon session-ah Rajya Sabha MP K Vanlalvena chuan, Mizoram khaw­chhak lama lirnghing tuarte ṭanpui turin sorkar laipui a ngen.

K Vanlalvena hian zero hour-ah thu sawiin, Mizoram chhunga Cham­phai leh Serchhip district-a Myanmar ramri hnaih khaw ṭhenkhata lirnghing chanchin a sawi a; kumin chhungin Mizoramah vawi 100 aia tam lìr a nghîn tawh thu House a hrilh.

Kumin July thlaa oath taking ti tura Delhi-a a kal ṭumin Ministry of Earth Sciences secretary Dr M Rajeevan a hmuh thu sawiin K Vanlalvena chuan, "Dr M Rajeevan-a hnenah hian Mizoramah investigation team tir tura ngenna ka thlen a, tun thlengin chhànna ka la hmu lo hi ka hrethiam lo hle," a ti.

Rajya Sabha MP chuan, Mizorama lir­nghing ang zat hi state dang­ah thleng ni se tun ang hian sorkar laipuiin a ngaihthah lo ang tih chu Mizo mipui ngaihdan a nih thu a sawi chhuak a; Ministry of Home Affairs leh Earth Sciences hnenah ngenna pali a thlen nghal a ni.