Covid-19 vei hmuh thar 106 zingah Mizorama kái chhâwng 90 an awm

September 21, Thawhṭannia Covid-19 vei hmuh chhuah mi 106 zingah Mizoram chhunga kái chhâwng nia hriat mi 90 an awm a, mi 106 zingah hnam dang 14 an tel. VC leh LC inthlan kaihhnawiha hripui veite hnu chhuina kal zela swab test an awm nual bawk.

Thawhṭannia Covid-19 positive hmuh chhuahte awmna veng/khua sorkar thuchhuahin a tarlan khawtlang hruaitute Vanglaini palaiin a be kual a; a lan danin, mi 90 chu Mizoram chhunga Covid-19 veite hnu chhuina kal zela swab sample endik an ni a, mi 16 chu state páwn aṭanga rawn lut niin, state páwn aṭanga rawn lut zinga 14 chu hnam dang an ni.

Bawngkawnah Covid-19 vei mi 37 hmuh chhuah a ni a, ni khata khua/veng pakhat aṭanga hripui vei hmuh chhuah tam ber ṭum a ni. Thu dawn danin, mi 37-te hi local positive contact veka ngaih an ni a, chu'ng zingah chuan local council inthlan kaihhnawiha positive-te chhuina kal zela swab test eng emaw zat an tel.

September 9, 2020 khan Bawngkawn mi Covid-19 positive mi 14 hmuh chhuah a ni a, chu'ng zinga pasarih chu local council inthlannaa duty an ni. Darlawn Joint Village Task Force hruaitute chuan, an khaw mi Covid-19 positive hmuh thar pathumte chu a hmaa positive an neih tawhte nena inkungkaihna nei lo an nih thu an sawi a, "Aizawl aṭanga lut niin kan hria a, a bul berah chuan VC/LC election kha a niin kan hria," an ti.

Chanmari West-ah hripui vei mi 10 (mipa leh hmeichhia panga ve ve) hmuh chhuah a ni a; an venga LTF hruaitute chuan,, a hmaa an venga hripui vei hmuh tawh mi pangate chhungkuaa mi vek an nih thu leh, chu'ng mi pangate chu local council inthlana duty-te leh a kaihhnawihte an nih thu an sawi. 

Saikhamakawna Covid-19 vei mipa pakhat hmuh chhuah chu Zarkawta dawr nei a ni a, Sunflower Electronics-ah hripui vei an kal avanga chhuina kal zela chhui thlen a nih thu, LTF hruaitute chuan an sawi. Sunflower Electronics-ah hian LC inthlan kaihhnawiha hripui vei hmuh chhuah zinga mi pahnih an kal nia thu dawn a ni.

Hlimen-ah Covid-19 positive mi 13 hmuh chhuah a ni a, an zinga mi pathum chu LTF hruaitu, a kúla a táia ṭang niin, inrinhlelh vanga swab test an ni lo a, an kai chhan àwm an hre lo.

Hetih lai hian, Bawngkawn LTF hruaitute chuan an vengah Covid-19 positive mi 38 hmuh chhuah a nih dan chu mak an ti deuh nia thu dawn a ni. Bawngkawn LTF chairman K Lalrinawma sawi danin, September 16-a swab sample lâkte chu September 20-ah endik a ni a, chu chu September 21 zingah result an hria a, hripui vei hmuh an awm lo.

September 16-ah hian Bawngkawn YMA Hall-ah mi 96-te sample lâk a ni a, September 21-a result chhuaka tel lo mi 43-re result chu nimin zingah a chhuak a, mi 43 zinga 38-te chu an positive a ni. Mi 38-te chu sample laknaa chhinchhiahnaah an serial number pawh a indawt deuh vek niin an sawi.

Covid-19 vei hmuh tharte chanchin

Khua/Veng    Vei zat    Kai chhan / Dinhmun

        Mipa 2 (kum 55 & 66), hmeichhia 1 (kum 23).

Darlawn    3    Hripui vei an neih tawhte nen a inkaihhnawih lo;

        "A bul berah chuan VC/LC election niin kan hria."

Sawleng    1    Nausen hmeichhia thla 2 mi. LA BE LO

        Mipa 7 (kum 32-60), hmeichhia 6 (kum 27-48).

Hlimen    13    Mi 3 chu LTF hruaitu, rinhlelh thila test an ni lo a, an kai chhan hriat loh; mi 10 chu contact tracing.

Samtlang    1    Mipa kum 32. MZU-a thawk, MZU-a thawk

        dang positive-te vanga inringhlela inendiktir.

Vaivakawn    1    Hmeichhia kum 22. Goa aṭanga haw,

        Hmuifang quarantine facility-a awm lai.

        Mipa 1 (kum 5), hmeichhia 2 (kum 2&31).

Mizoram University    3    MZU campus-a Kendrya Vidhyalaya-a thawk

        chhungkua hnam dang, Hmuifang QF-a awm lai.

        Mipa 4 (kum 35-55), hmeichhia 2 (kum 25-39).

Tlangnuam Vengthar    6    Mi 2 chu office-ah positive-te an awmho;

        mi 3 chu Pet Division contact tracing;

        Mi 1 chu AMC-a a thawhpuite aṭangin.

        Mipa kum 45, Sunflower Electronics-a

Saikhamakawn    1    positive an kal vanga chhuina kal zel;

        LC inthlan kaihhnawih kal zel.

        Mipa 5 (kum 19-63), hmeichhia 5 (kum 16-42).

Chanmari West    10    Positive 5 an neih tawhte chhungkuaa mi vek;

        Mi 5-te chu LC inthlana duty-te an ni.

Khatla    2    Mipa kum 27 & 39. Hnam dang ve ve,

        Orchid Hotel quarantine facility-a awm lai.

        Mizo leh hnam dang mipa kum 35 & 48.

Dawrpui    2    Tun hnaia state páwn aṭanga lut;

        Orchid Hotel quarantine facility-a awm lai.

Republic Vengthlang    1    Mipa kum 24. Dubai aṭanga rawn haw.

        Mipa 26 (kum 19-58), hmeichhia 12 (kum 17-45).

Bawngkawn    37    Local positive contact vek; LC inthlan

        inthlan kaihhnawih kal zel a awm nual.

ITI Veng    1    Hmeichhia kum 31. Zemabawk UPHC-a thawk,

        an thawhpui Covid-19 positive chhuina kal zel.

Ramhlun North    1    Mipa kum 57. Zemabawk UPHC-a thawk,

        an thawhpui Covid-19 positive chhuina kal zel.

Salem Veng    8    Mipa 7 (kum 19-58, hmeichhia 1 (kum 68).

        An venga positive tawhte chhuina kal zel.

Kanan Veng    1    Mipa kum 28. NHM hnuaia thawk

        health worker, a kaina hriat chian loh.

Bawngkawn Hmarveng    1    Mipa kum 24, positive contact chhuina.

Thingsulthliah    9    Hnam dang mipa vek (kum 30-54);

(Pioneer camp)        Tun hnaia state páwn aṭanga rawn lût.

Bethlehem Vengthlang    1    Hmeichhia kum 42. MSACS-a thawk,

        an thawhpui aṭanga kai nia rin.

Chanmari Veng    1    Hmeichhia kum 41. MSACS-a thawk, office

        aṭang aiin, hmun dang aṭanga kai nih inring.

Mission Veng    1    Mipa kum 20. Kaina rin tur bik hriat mai loh.

Chhinga Veng    1    Mipa kum 35, kai chhan hriat loh; symptom a nei.