Labour-te hamṭhatna sawihonaah tel

Nimin khan Ministry of Labour and Employment chuan Hotel Ashoka, Delhi-ah Union minister for Labour and Employment Dr Mansukh Mandaviya kaih­hruaina hnuaiah 'Meeting with State Labour Ministers and Secretaries on Labour Issues' an buat­saih a, Mizoram aṭangin Labour Employment, Skills Development & Entre­­preneurship (LESDE) minister Lalnghinglova Hmar hoin official-te an tel.

Nimin meeting-ah hian session hnuhnung ber 'National Career Services (NCS) and Model Career Centre(MCC)' chu Union Labour Minister leh LESDE minister Lalnghinglova Hmar-ten an kaihruai a; state leh UT hrang hrangin labour kaihhnawiha an hmalakna, ‘reforms’ leh ‘best practices’ an neihte a lem nen sawifiahin, an sawiho a ni.

Sawihona hrang hrang zingah labourer (organized leh unorganized) te hamṭhatna leh an him lehzualna tur ngaihtuah te, labourer-te tana ṭangkai leh awmze nei zawka labour cess hman chungchang te, ṭhalai hna zawng mekte tana ṭangkai - National Career Services (NCS) leh Model Career Centre (MCC) tihchangtlun chungchang te a tel. Tunhnaia labour kaihhnawih dan hrang hrang siamṭhatte pawh sawiho nghal a ni.

Meeting with State Labour Ministers and Secretaries on Labour Issues hi vawiinah chhunzawm a, zawhfel a ni ang.