Aizawlah lockdown pawtsei

Mizoram sorkar chuan Aizawl Municipal Corporation huam chhunga partial lock­down a kalpui chu September 20, Pathianni zan dar 11:59 thleng a pawtsei. Inkhàrkhip kalpui dan tur chu September 10-17 chhung­a kal dan ang a ni ang.

Health minister Dr R Lalthangliana hoa nimina sorkar hotute ṭhukhawm chuan, Aizawl khawpuia Covid-19 leng mek kaihhnawiha contact tracing leh swab sample lak hna thawh mek chu zawh a la nih loh avangin, September 20, 2020 zanlai thleng partial lockdown pawhsei an rêl a ni.

Aizawl khawpuiah September 10, 2020 zanlai aṭangin partial lockdown kalpui a ni a, September 17 zanlai thleng awh tur niin, chu chu nizan kha a ni. Sorkar hotute chuan, mipui ni tin mamawh lei dan tur ruahmanna, Aizawl DC kaihhruaina hnuaiah local task force-te'n an siam chu zâwm ṭheuh turin mipui an ngen.