Khawzawlah TrueNat Laboratory hawng

Khawzawl DC Zothanmawia chuan nimin khan Khawzawl District Hospital-a Covid-19 vei leh vei loh endikna tur TrueNat laboratory bun thar a hawng.

Zothanmawia chuan, Khawzawlah Covid-19 vei leh vei lo endik theih a ni ta chu lawmawm a tih thu sawiin, "Min tihzângkhai phah dawn hle a ni. Kan district tana Covid-19 hri kai leh kai lo enna khawl hman a nih theihna tura rim taka thawktu Khawzawl District Hospital-a thawktute an fakawm hle a ni," a ti.

Hripui dona atana thâ leh zung bakah, hun hlu tak séngtu zawng zawng chungah lawmthu sawiin Bawrhsap chuan, hri lên tirh aṭanga sorkar hriattirna chhuah leh training tawh zawng zawngte chu hri léng mek dona atan hman ṭangkai a pawimawh thu a sawi.

Khawzawl Hospital-a medical superintendent Dr Lalngaihawmi Chhangte chuan, TrueNat khawl hnathawh dan leh laboratory kalpui dan tur a sawifiah a ni.