March 20 thleng Assembly Session

February 19, 2025 aṭanga ṭan tur Mizoram Legislative Assembly Budget Session chuan March 20, 2025 thleng a awh dawn a, session-ah hian kum 2025-2026 Mizoram budget tur pass tum a ni dawn.

Assembly speaker Lalbiakzama kaihhruai Business Advisory Com-mittee chuan Assembly Session programme tur hi January 29, Nilaini khan duangin, March 20 thleng neih turin thutlukna an siam. March 20 thleng Assembly Session neih tur nimah se, Inrinni, Pathianni leh sorkar chawlhah chuan session hi neih a ni dawn lo.

Tarlan tawh angin, tun ṭuma session neih tur hi Mizoram Legislative Assembly 9-na ṭhutkhawm vawi lina tur a ni a, budget session bik chu ṭum hnih neihna tur a ni thung.