ṬKP hruaitute pualin NCD training buatsaih

Lunglei sub-deputy commissioner (SDC) Lalhlimpuii Pachuau kaihhruaiin nimin khan DC conference hall-ah Lunglei khawpuia Ṭhalai Kristian Pawl (ṬKP) pastor bial pathum–Bazar, Rahsiveng leh Theiriat hnuaia unit 14-a ṬKP hruaitute pualin inkaichhawn theih loh natna, non-communicable disease (NCD) inzirtirna buatsaih a ni.

Zirhona hi Healthy Lunglei District Campaign hnuaia sorkar leh Mizoram Ṭhalai Kristian Pawl (MṬKP) ṭangkawp hmalakna niin, district immunisation officer Dr Christina Zonunmawii chuan natna inkaichhawn theih loh (NCD) chung­chang leh inven dan turte a zirtir a; ṭhalaite'n nunphung hrisel an neih theihna tura hmalak dan tur hrang hrangte zirhoa, sawiho a ni.