Mipui himna ngaipawimawh turin chah

Governor General Vijay Kumar Singh chuan nimin khan Durtlang North-a Border Security Force (BSF) Sector Headquarters a tlawh a, mipui himna ngaipawimawh tur leh ramri kaltlanga dan loa hmalaknate uluk taka veng turin a chah.

General VK Singh chuan, India leh Bangla-desh ramri vengtu BSF-te hmalakna fakawm a tih thu sawiin, India ram a him zel theih nana theihtawp chhuah tur te, mipui himna ngaipawimawh tur leh ramri kaltlanga dan loa hmalaknate uluk taka veng turin a chah a, "Mipuite tana luanchhuahna kawngah ṭan la zel ang che u," a ti.

BSG Sector Hqrs. DIG Kalyan Kanti Majumdar leh a thawhpuite'n Governor hi an lo dawngsawng a, an office leh composite hospital-te an fanpui bakah, an hmalakna leh hmachhawpte an lo hrilhfiah a ni.

BSF-te hian Mizoram bikah hian India leh Bangladesh ramri km. 318 vela thui vèn hna an thawk mek a; Sector Hqrs. Aizawl hnuaiah hian unit pali leh service company 24 awmin, tun dinhmunah border out post 58 an vil mek a ni.