Aizawl aṭanga haw khung hran tur

Siaha DC Kesavan R hoa September 16, Nilainia DRDA conference hall-ah sorkar official-te leh village task force (VTF)-te ṭhukhawm chuan Covid-19 laka an district him theih dan tur an ngaihtuah a, Aizawl aṭanga hawte khung hran an rél.

Meeting-a tarlan danin, state páwn aṭanga Siaha district-a hawte chu sorkar quarantine facility-ah khung hran zel an ni a, Aizawl aṭanga hawte chu an contact history-te zir chian a ni ang a, an thlenna/chenna veng VTF ṭheuhte'n ni sarih chhung home quarantine turin an ti zel tawh ang. Home quarantine-a awmte chu Covid-19  symptom nei an nih loh chuan swab sample test kher a ngai lo thung.