KHAWTHLIR

Thisen pe
Bilkhawthlir Kualmawi Branch YMA chuan, nimin khan an veng YMA Hall-ah Kolasib District Hospital tan thisen unit 58 pe a, a petute mipa 40 leh hmeichhia 18 an ni. Nimin vêk khan Lei­tlangpui Higher Secondary School NSS unit-te pawhin Christian Hospital, Serkawnah thisen unit 55 an pe a, a petute mipa 34 leh hmeichhia 21 an ni.

Assistant result
MPSC chuan nimin khan DP&AR (Secretariat Service Wing)-a assistant grade tur lakna result a tichhuak a, mi 15 an tling a, panel list-ah mi panga dah an ni.

Damlo kan hun
Aizawl Civil Hospital medical superintendent Dr Rosangluaia chuan thuchhuah siamin, ACH-a damlo kan hun (visiting hour) chu zing dar 7-9 leh tlai lam dar 3-5 inkarah chauh a nih tawh thu a tarlang. Gynae Ward (hmeichhe ward)-a damlote chu hmeichhia chauhin awmpui phal a nih thu a tarlang bawk.

HSLC & HSSLC
Mizoram Board of School Education chuan June 29, 2015 chhun dar 12:15-ah HSLC leh HSSLC (Compartmental) Examination 2015 result a tichhuak dawn. Result hi MBSE office, Chaltlangah leh website www.mbse.udu.in ah en theih a ni ang.

Revival Meet
Nizan khan Zarkawt Kohhran biak-inah Synod Revival Meet vawi 4-na ṭan a ni a, Pathianni zanah a ṭiak ang. Meet thupui chu 'Rinawmna' tih a ni a; Synod puipate zinga ṭhenkhat leh Synod revival team zinga speaker ṭhenkhatin thupui hmangin thuchah an sawi ang.

Kawng siam dawn
PWD chuan June 29, Thawhṭanni khian khaw awm danin a zir chuan Hunthar Veng kawngpuia lei tlahniam chu lirthei kal awlsam zawk nan chawhma dar 11 leh chawhnu dar 1 inkarah ngawrh lehzuala thawm ṭhat hna thawh an tum a; chumi chhung chuan lirthei kaltlang theih a ni dawn lo tih an tarlang.

Synod-in tanpuina sem
Mizoram Synod chuan tun hnaia chhiatna hrang hrang tuartu leh harsatna neite hnenah Synod Relief Fund aṭangin chhawmdawlna a sem. Chhawmdawlna pekte chu khuarel chhiatna tawk te, damlo harsate leh khawsak harsa zualte an ni a; Rs. 1,35,000 sem ral a ni.